Размер:
A A A
Цвет: C C C
Изображения Вкл. Выкл.
Обычная версия сайта

Қазақстан Республикасы Мемлекеттік күзет қызметінің бастығы

Қазақстан Республикасы Мемлекеттік күзет қызметінің бастығы

Генерал-полковник Қасымов Қалмұханбет Нұрмұханбетұлы

Қазақстан Республикасы Мемлекеттік күзет қызметінің бастығы

1957 жылдың 18 мамырында Алматы облысы Іле ауданының Дмитриевка ауылында дүниеге келген. Білімі жоғары, 1979 жылы Киров атындағы Қазақ мемлекеттік университетінің заң факультетін «заңгер» мамандығы бойынша тәмамдаған.

Қызмет жолын 1979 жылы Алматы облысы Іле ауданының ІІБ тергеушісі лауазымынан бастап, аға тергеуші, тергеу бөлімшесінің бастығы, бөлім бастығының орынбасары лауазымдарын атқарған. 1988 жылдан бастап Алматы облысы ІІБ қоғамдық тәртіпті күзету бөлім бастығының орынбасары болған.

1989 жылдан Алматы облысы ІІБ Қапшағай ІІБ бастығы, 1992 жылдан бастап Алматы облысы ІІБ Криминалдық милиция басқармасының бастығы болып тағайындалған, ІІБ бастығының бірінші орынбасары лауазымын атқарған.

1997 жылғы наурыз-шілде айларында ІІМ Криминалдық полиция департаментінің бастығы лауазымына тағайындалды.

1997-2003 жылдары Алматы қаласы Ішкі істер бас басқармасының бастығы, 2003-2005 жылдары – Алматы облысы Ішкі істер департаменті Ішкі істер бас басқармасының бастығы болған.

2005-2009 жылдар аралығында – Қазақстан Республикасының Ішкі істер бірінші вице-министрі, вице-министрі.

2009 жылдан бастап Шығыс Қазақстан облысы Ішкі істер департаментіне басшылық еткен.

2011 жылғы сәуірден бастап 2019 жылғы ақпанға дейін Қазақстан Республикасының Ішкі істер министрлігін басқарған. 2011 жылы полиция генерал-лейтенанты, 2015 жылы полиция генерал-полковнигі атағы берілген.

2019 жылғы ақпанда Қазақстан Республикасы Президентінің көмекшісі – Қауіпсіздік Кеңесінің хатшысы болып тағайындалды.

2020 жылғы 16 қаңтарда Қазақстан Республикасы Президентінің Жарлығымен Қазақстан Республикасы Мемлекеттік күзет қызметінің бастығы болып тағайындалды.

І, ІІ дәрежелі «Даңқ» орденімен, әртүрлі ведомстволық және мерейтойлық медальдармен, құрмет грамоталарымен марапатталған.

Үйленген, үш баласын тәрбиелеп отыр.

 


← Тізімге қайта оралу